Токтосун Самудинов. Жарма
Балдар менен жүргөмүн
Балык уулап өзөндөн.
Абамдарга кабылдым
Айры,чалгы көтөргөн.
Саратандын күнүндө
Чарчашыптыр байкасам.
Алар айтты: Жутуп ал
Жармабыздан, чаңкасаң.
Жерге салып башымды,
Чеке терим чыгардым.
Жарым үймөк чөп үйбөй,
Жарма ичкенден уялдым.
- Асан Жакшылыков. Эл кенчи
- Рамис Рыскулов. Ырдесте
- Барпы Алыкулов. Жакшы кыз
- Анатай Өмүрканов. Таңкы тоолор
- Омор Султанов. Кош, ысык-көл
Ой-пикирлер