Шырылдаң
Конок тоого бүткөндө,
Кошо чыккан шырылдаң.
Таруу ташка бүткөндө,
Талаша чыккан шырылдаң.
Жылкычы менен коюндаш.
Жанаша чыккан шырылдаң.
Шырылдаң биздин шыйкыбыз,
Түндө келет уйкубуз.
Аман болсо жылкыбыз,
Эртең канар уйкубуз.
Шырылдаң айтып жүргөндө,
Конок менен тарууну,
Жеп кетпесин жылкыбыз.
Шыпшырылдаң шыр экен,
Жылкычынын ыры экен.
Карылардын наркы экен,
Жигиттердин айты экен.
Бай, бай терек, бай терек,
Башын кесмек не керек?
Эт желиндүү боз койго,
Тели козу не керек?
Ана султан шырылдаң,
Мына султан шырылдаң.
Шыпшырылдаң шыр экен,
Жылкычынын ыры экен.
- Молдо кылыч шамыркан уулу. зилзала
- Акый
- Токтосун Самудинов. Жаныбарлар дүйнөсү
- Жоомарт Бөкөнбаев. Кезигишүү
- Токтогул Сибирден келгенде Эшмамбет ырчы менен учурашканы
Ой-пикирлер
|
2020-12-16  Айжан |
Шырылдаң жылкычылардын турмушунан алынган ыр.Анда жылкычылар кыз оюндарда, үйлөнүү,үлпөттөрүндө айыл түшүп келип тырдашкан |
|
2020-09-04 рахима |
Кыздын кырк чачы уулу деген макал |