Автандил Арабаев. Ырдагым келет, ырдагым
Кыялдын чертип кылдарын,
Жүрөктүн чечип сырларын,
Кыналып ырга ырларым,
Ырдагым келет, ырдагым.
Махабат күүсүн черткилеп,
Жан дүйнөм сага арнагам.
Бактыңа бакыт энчилеп,
Ашыккан жаным ыр жазам.
Ырлардын издеп ыргагын,
Сүйүүнүн дарты ырбады.
Алоолоп жүрөк турганын,
Ырларым ырдап тынбады.
Сезимдин козгоп кылдарын,
Сезимтал жаным кыйнадың.
Сүйүүнүн арзуу ырларын,
Ырдагым келет, ырдагым...
- Какен Алмазбеков. сүйгөн кесибим
- Анатай Өмүрканов. "Бар бол" ырлар жыйнагынан жүрөк сөзү
- Жалгыз тал
- Жоомарт Бөкөнбаев. Кош ала - тоо уулуң кетти майданга
- Токтосун Самудинов. Тошунун жообу
Ой-пикирлер